Urban War / randall c. baker

Urban War by Randall Baker

•••

Urban War

Bumboclaat, whole heap o’ gunshot
Police and soldier come in a jeep back
Everywhere me turn more bullet pop off
Lord have mercy, man, we’re under attack
Get out your car, but you can’t reach car
The road block off, it’s an urban war

Me can’t take me children down at the park
Can’t leave the house anytime after dark
Neighbourhood’s a powder keg just waiting a spark
Rude boys don’t play them don’t skylark
Stay out the water ‘cause it full up of shark
Some of them dog bite worse than them bark
Police and thief them out ‘pon the street
Beg somebody tell me when the violence gwine cease

Bad man selling drugs out them tatu
Them move a night like say them a patu
Draw them gun and no care if them shot you
Caught in the cross fire, don’t matter what you do
Wicked man smell blood and them just can’t resist
No do a damn thing, but you ‘pon him hit list
Lord, is a wonder how we even exist
So, here me bawl once again

Bumboclaat, whole heap o’ gunshot
Police and soldier come in a jeep back
Everywhere me turn more bullet pop off
Lord have mercy, man, we’re under attack

……………………….Bumboclaat

•••